"Ыйман" фонду "Келечек+" жаштар гезити менен кызматташат

Жолугушууда эки тараптуу кызматташуу тууралуу сөз болду. "Келечек+" жаштар гезитинин ишмердүүлүгү окуучулардын жана өспүрүмдөрдүн билим деңгээлин жогорулатууга, руханий азык, таалим-тарбия берүүгө багытталат жана бүткүл республиканын аймагына таркатылат. Ошондой эле мектеп окуучулары үчүн инсандык өнүгүүгө арналган ар кандай тренинг, семинарларды уюштуруп келет.

Жолугушуунун жүрүшүндө "Интеллектуалдык инвестиция" долбоорунун алкагындагы иш-чараларды биргеликте өткөрүү пландалды, анын негизинде “Ыйман” фонду “Келечек +” гезитинин редакциясы менен биргеликте Бишкек шаарындагы № 84 Ж. Садыков атындагы мектепте “Таймменеджмент” аттуу семинар уюштуруп, мектеп окуучуларына убакытты туура колдонуунун жана бөлүштүрүүнүн методдорун айтып берди . Мындан сырткары окуучуларга “Медиа мейкиндик” долбоору алкагында жарык көргөн “Эне” аттуу тасмасы көргөзүлдү.